കേരളത്തിൽ ടൂറിസം യൂണിവേഴ്സിറ്റി സ്ഥാപിക്കും: മന്ത്രി പി.എ മുഹമ്മദ് റിയാസ്

23 November 2023, 11:20 AM

അതിവേഗം വളരുന്ന ടൂറിസം മേഖല വാഗ്ദാനം ചെയ്യുന്ന വിപുലമായ അവസരങ്ങൾ പ്രയോജനപ്പെടുത്തുന്നതിന് സംസ്ഥാനത്ത് ഒരു ടൂറിസം സർവകലാശാല സ്ഥാപിക്കുന്നതിനുള്ള സാധ്യത സർക്കാർ പരിശോധിച്ചു വരികയാണെന്ന് ടൂറിസം മന്ത്രി ശ്രീ പി എ മുഹമ്മദ് റിയാസ് പറഞ്ഞു. അതിവേഗം വികസിക്കുന്ന ടൂറിസം മേഖലയിൽ വൈവിധ്യമാർന്ന ജോലികൾ കൈകാര്യം ചെയ്യുന്നതിനായി വൈദഗ്ധ്യമുള്ള പ്രൊഫഷണലുകളെ വാർത്തെടുക്കുകയാണ് കേരള ടൂറിസം ലക്ഷ്യമിടുന്നത്," മന്ത്രി പറഞ്ഞു. ലോക ടൂറിസം ദിനത്തിന് മുന്നോടിയായി കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസിൽ (കിറ്റ്‌സ്) സംഘടിപ്പിച്ച ടേക്ക് ഓഫ് 23 എന്ന അനുമോദന ചടങ്ങിനെ അഭിസംബോധന ചെയ്യുകയായിരുന്നു മന്ത്രി. മാനവവിഭവശേഷി വികസനത്തിൽ കേരളത്തിലെ ടൂറിസം മേഖല വലിയ മുന്നേറ്റം നടത്തിയതായും മന്ത്രി പറഞ്ഞു. വർദ്ധിച്ചുവരുന്ന ആവശ്യങ്ങൾ നിറവേറ്റുന്നതിനായി വിദഗ്ദ്ധരായ പ്രൊഫഷണലുകളുടെ ഒരു സംഘം സൃഷ്ടിക്കുന്നതിനുള്ള ശ്രമങ്ങളും ടൂറിസം വകുപ്പ് നടത്തുന്നുണ്ട്.