World Lung Day 2022: ഒരു വ്യക്തിക്ക് ശ്വസിക്കാന്‍ ബുദ്ധിമുട്ടുണ്ടെങ്കില്‍, അത് ശ്വാസകോശം ശരിയായി പ്രവര്‍ത്തിക്കുന്നില്ല എന്നതിന്റെ സൂചനയായിരിക്കാം. ആരോഗ്യമുള്ള ശരീരത്തിന് ആരോഗ്യകരമായ ശ്വാസകോശം വളരെ പ്രധാനമാണ്. നമ്മുടെ ശരീരത്തിലെ ഏറ്റവും പ്രധാനപ്പെട്ട അവയവങ്ങളില്‍ ഒന്നാണ് ശ്വാസകോശം. ഇത് വായുവിനെ അരിച്ചെടുത്ത് ശരീരത്തിലേക്ക് കടത്തിവിടുന്നു. ശ്വാസകോശത്തില്‍ എന്തെങ്കിലും തരത്തിലുള്ള പ്രശ്നങ്ങള്‍ ഉണ്ടായാല്‍ ഓക്സിജന്‍ ശരീരത്തിലേക്ക് ശരിയായ രീതിയില്‍ എത്തില്ല. അത്തരമൊരു സാഹചര്യത്തില്‍, വ്യക്തിയുടെ ജീവന് അപകടമുണ്ടാകാം. കൂടാതെ ക്ഷയം, ആസ്ത്മ, ന്യുമോണിയ, ശ്വാസകോശ അര്‍ബുദം തുടങ്ങിയ നിരവധി പ്രധാന രോഗങ്ങള്‍ക്കും സാധ്യതയുണ്ട്. യഥാസമയം ചികിത്സിച്ചു ഭേദമാക്കാനാകുന്നതാണ് ശ്വാസകോശ രോഗങ്ങള്‍. ശ്വാസകോശരോഗത്തിന്റെ ലക്ഷണങ്ങള്‍ എന്തെല്ലാമെന്ന് നോക്കാം. എന്തുകൊണ്ടാണ് ശ്വാസകോശ രോഗം ഉണ്ടാകുന്നത്? ശ്വാസകോശ സംബന്ധമായ പ്രശ്‌നങ്ങള്‍ പല കാരണങ്ങളാല്‍ ഉണ്ടാകാം. ഉദാഹരണത്തിന്, വായുവിന്റെ മോശം ഗുണനിലവാരം, വായുവിലെ മലിനീകരണത്തിന്റെ അളവ് കൂടുന്നത് തുടങ്ങിയവ ഇതിനുള്ള കാരണങ്ങളായി പറയാം. മലിനമായ വായു ശ്വസനത്തിലൂടെ വ്യക്തിയുടെ ശ്വാസകോശത്തിലെത്തി ശരീരത്തിന്റെ സന്തുലിതാവസ്ഥയെ മോശമായി ബാധിക്കുന്നു. ഇന്ത്യയില്‍ ശ്വാസകോശ രോഗികളുടെ എണ്ണം വര്‍ധിക്കുന്നതായാണ് കണക്കുകള്‍. ഇതിന് പ്രധാന കാരണം വായു മലിനീകരണമാണ്. ലോകത്തിലെ ഏറ്റവും മലിനമായ നഗരങ്ങളുടെ പട്ടികയില്‍ ഇന്ത്യയിലും നിരവധി നഗരങ്ങളുണ്ട്. നിങ്ങള്‍ക്ക് ശ്വാസകോശ സംബന്ധമായ അസുഖമുണ്ടോ എന്ന് എങ്ങനെ മനസ്സിലാക്കാം? ശ്വാസകോശ രോഗത്തിന്റെ ലക്ഷണങ്ങള്‍ മനസ്സിലാക്കാന്‍ നിരവധി ശാരീരിക ലക്ഷണങ്ങളുണ്ട്. അത്തരത്തിലുള്ള എന്തെങ്കിലും ലക്ഷണം കണ്ടാല്‍ ഉടന്‍ തന്നെ ആരോഗ്യ വിദഗ്ദനെ സമീപിക്കണം. ശ്വാസം മുട്ടല്‍ ഒരു വ്യക്തിക്ക് ശ്വസിക്കാന്‍ ബുദ്ധിമുട്ടുണ്ടെങ്കില്‍, അത് ശ്വാസകോശം ശരിയായി പ്രവര്‍ത്തിക്കുന്നില്ല എന്നതിന്റെ സൂചനയായിരിക്കാം. പ്രത്യേകിച്ചും കഴിഞ്ഞ 10 ദിവസമായി ഈ സ്ഥിതി തുടരുമ്പോള്‍. ശ്വാസകോശത്തില്‍ ഉണ്ടാകുന്ന ദ്രാവകം വായു സഞ്ചാരത്തെ തടയുമ്പോള്‍, അതായത് ഓക്സിജന്റെ ഒഴുക്ക് ശരിയായി അറിയാതെ വരുമ്പോഴാണ് ശ്വസിക്കാന്‍ ബുദ്ധിമുട്ട് ഉണ്ടാകുന്നത്. അത്തരമൊരു സാഹചര്യത്തില്‍, ഒരു ആരോഗ്യ വിദഗ്ധന്റെ ഉപദേശം സ്വീകരിക്കണം. ശരീരഭാരം കുറയുന്നു ഒരു വ്യക്തിയുടെ ഭാരം പെട്ടെന്ന് കുറയാന്‍ തുടങ്ങിയാല്‍, ഈ അടയാളം ഗൗരവമായി കാണണം. ശരീരത്തില്‍ വളരുന്ന മുഴകള്‍ മൂലവും പെട്ടെന്ന് ശരീരഭാരം കുറയുന്നു. നെഞ്ച് വേദന ഒരു വ്യക്തിക്ക് വളരെക്കാലമായി നെഞ്ചുവേദനയുണ്ടെങ്കില്‍, ഈ ലക്ഷണം ശ്വാസകോശ രോഗവുമായി ബന്ധപ്പെട്ടതാകാം. ഇതോടൊപ്പം, ഒരു വ്യക്തിക്ക് സ്ഥിരമായ മ്യൂക്കസ് പ്രശ്‌നമുണ്ടെങ്കില്‍, അത് അവഗണിക്കരുത്. ഇതുകൂടാതെ, രക്തം ഛര്‍ദ്ദിക്കുന്നതും ഗുരുതരമായ ലക്ഷണമാണ്. അതിനാല്‍ കൃത്യസമയത്ത് ഒരു ഡോക്ടറെ കാണണം. ചെയ്യേണ്ടത് ശ്വാസകോശ സംബന്ധമായ അസുഖങ്ങള്‍ക്ക് പുകവലി ഒരു പ്രധാന ഘടകമാണ്. അതിനാല്‍ നിങ്ങളുടെ ശ്വാസകോശത്തെ ആരോഗ്യകരവും ശരീരത്തിന്റെ ആരോഗ്യം നിലനിര്‍ത്തുന്നതിനും പുകവലി പാടെ ഉപേക്ഷിക്കണം. മലിനമായ സ്ഥലങ്ങളില്‍ പോകുന്നത് ഒഴിവാക്കുക. ശ്വസന സംബന്ധമയ യോഗ ചെയ്യുക. ഇതോടൊപ്പം പഴങ്ങളും പച്ച ഇലക്കറികളും കഴിക്കുക.