തിരുവനന്തപുരം: സംസ്ഥാനത്ത് ബിജെപിയുടെ കൈയിലുള്ള ഏക സീറ്റ് നേമമാണ്. ഇത്തവണ വൻ മുന്നേറ്റം ഉണ്ടാക്കുമെന്നും കൂടുതൽ സീറ്റുകൾ നേടുമെന്നും എൻഡിഎ നേതൃത്വം അവകാശപ്പെടുമ്പോഴും നേമം നിലനിർത്തുക എന്നത് തന്നെയാണ് മുന്നണി പ്രധാനമായും ലക്ഷ്യമിടുന്നത്. ബിജെപി മുൻ സംസ്ഥാന അധ്യക്ഷൻ കുമ്മനം രാജശേഖരനെയാണ് രാജഗോപാലിന് പിൻഗാമിയായി പാർട്ടി സ്ഥാനാർഥിയാക്കിയത്. എൽഡിഎഫിനായി മുൻ എംഎൽഎ വി ശിവൻകുട്ടിയും യുഡിഎഫിനായി കെ മുരളീധരനും രംഗത്തെത്തിയതോടെ ശക്തമായ ത്രികോണ പോരാട്ടത്തിന് കളമൊരുങ്ങുകയും ചെയ്തു. വോട്ടെടുപ്പിന് പിന്നാലെയും മൂന്ന് മുന്നണികളും വിജയപ്രതീക്ഷകൾ പങ്കുവെച്ച് രംഗത്തെത്തിയിരുന്നു. ഇപ്പോഴിതാ കുമ്മനം രാജശേഖരൻ നടത്തിയ ഒരു പ്രസ്താവനയാണ് ചർച്ചയാകുന്നത്. നേമത്തെ ജയവും തോല്‍വിയും വികസനത്തിനുള്ള പ്രവര്‍ത്തനങ്ങളെ ബാധിക്കില്ലെന്നാണ് അദ്ദേഹം പറഞ്ഞത്. നേമത്തെ സാധ്യതകളും കുമ്മനത്തിന്‍റെ പ്രസ്താവനയും അറിയാം.