പെരിയ: കേരള കേന്ദ്ര സർവ്വകലാശാല സ്റ്റുഡൻ്റ് കൗൺസിൽ തിരഞ്ഞെടുപ്പിൽ എൻ.എസ്.യു.ഐ സഖ്യത്തിന് വൻ വിജയം. സ്റ്റുഡൻറ് കൗൺസിലിലേക്ക് ഇന്നലെ നടന്ന തിരഞ്ഞെടുപ്പിൽ എൻ.എസ്.യുവിന് നാല് ഭാരവാഹികളെ ലഭിച്ചപ്പോൾ എസ്.എഫ് ഐ യും എ.ബി.വി.പിയും മൂന്ന് വീതം ഭാരവാഹികളെ വിജയിപ്പിച്ചെടുത്തു. എൻ എസ് യു ഐ പാനലിൽ നിന്നും വൈസ് പ്രസിഡന്റ് ആയി ക്രിസ്റ്റോ അനിൽ കോശി, ജോയിന്റ് സെക്രട്ടറി ആയി നേഹ, അർജുൻ , നവീൻകുമാർ എന്നിവരെ എക്സിക്യൂട്ടീവ് ആയും തെരഞ്ഞെടുത്തു. യൂണിയൻ വിജയത്തിന് ശേഷം എൻ.എസ്.യു ഐ പ്രവർത്തകർ പെരിയ ടൗണിൽ ആഹ്ലാദ പ്രകടനം നടത്തി. കെ.എസ്.യു ജില്ലാ പ്രസിഡൻ്റ് ജവാദ് പുത്തൂർ, സംസ്ഥാന കമ്മിറ്റി അംഗം പി.യു സുഹൈൽ, യൂണിറ്റ് പ്രസിഡൻ്റ് ഡിവിൻ ചാക്കോ, ഷാജഹാൻ, അജിൽ, അപർണ തുടങ്ങിയവർ നേതൃത്വം നൽകി. പെരിയടൗണിൽ മണ്ഡലം കോൺഗ്രസ് കമ്മിറ്റി പ്രസിഡൻ്റ് പ്രമോദ് പെരിയയുടെ നേതൃത്വത്തിൽ കോൺഗ്രസ് നേതാക്കൾ വിജയികളെ സ്വീകരിച്ചു.