കൊച്ചി: പാതയോരം പഠിപ്പുപുരയാക്കിയ ആറ് വയസുകാരൻ ആനന്ദിനെ ചേർത്തുപിടിച്ച് പ്രതിപക്ഷ നേതാവ് വി ഡി സതീശൻ. വാർത്തകളിൽ നിന്നാണ് ആനന്ദിനെ പറ്റി പ്രതിപക്ഷ നേതാവ് അറിയുന്നത്. കലൂർ സ്റ്റേഡിയത്തിലേക്കുള്ള വഴിയരികിൽ വച്ച് അദ്ദേഹം ആനന്ദിനെ കാണുകയുണ്ടായി. വഴിയോരത്ത് പച്ചക്കറി വിൽക്കുന്ന അപ്പൂപ്പനും അമ്മൂമ്മയും ആണ് ആനന്ദിന്റെ ഏക ആശ്രയം. അവന് പഠിക്കാനുള്ള എല്ലാ സൗകര്യവും നൽകുമെന്ന ഉറപ്പുനൽകിയാണ് പ്രതിപക്ഷ നേതാവ് യാത്ര പറഞ്ഞത്.