അഹമ്മദാബാദ്: പ്രധാനമന്ത്രിയുടെ വിശ്വസ്ത വ്യവസായി ​ഗൗതം അദാനി, മോദിയുടെ നാട്ടിൽ വൻ നിക്ഷേപം വാ​ഗ്ദാനം ചെയ്തു. അടുത്ത അഞ്ച് വർഷത്തിനുള്ളിൽ ഗുജറാത്തിൽ രണ്ട് ലക്ഷം കോടി രൂപയുടെ നിക്ഷേപമാണ് ഗൗതം അദാനി വാ​ഗ്ദാനം ചെയ്യുന്നത്. കൂടാതെ ഒരു ലക്ഷം തൊഴിലവസരങ്ങളും ഉറപ്പ് നൽകി. 24,500 കോടി രൂപ അദാനി ഗ്രീൻ എനർജി ലിമിറ്റഡ് അടുത്ത 5-7 വർഷത്തിനുള്ളിൽ മൂന്ന് പമ്പ് സംഭരണ ​​പദ്ധതികളിലേക്ക് (പിഎസ്പി) നിക്ഷേപിക്കും. തമിഴ്‌നാട് ഗ്ലോബൽ ഇൻവെസ്റ്റേഴ്‌സ് മീറ്റിലാണ് ഇതുമായി ബന്ധപ്പെട്ട് ധാരണയായത്. തമിഴ്നാട് മുഖ്യമന്ത്രി എം കെ സ്റ്റാലിൻ, സംസ്ഥാന വ്യവസായ മന്ത്രി ടി ആർ ബി രാജ, അദാനി തുറമുഖങ്ങളുടെയും പ്രത്യേക സാമ്പത്തിക മേഖലയുടെയും മാനേജിംഗ് ഡയറക്ടർ കരൺ അദാനി എന്നിവർ ചേർന്നാണ് ധാരണാപത്രം ഒപ്പുവച്ചത്. ക്യാബിനറ്റ് മന്ത്രിമാരും വിവിധ സർക്കാർ വകുപ്പുകളിലെ സെക്രട്ടറിമാരും മീറ്റിൽ പങ്കെടുത്തു.