അഹമ്മദാബാദ് : അഹമ്മദാബാദ് ടെസ്റ്റിൽ വിരാട് കോഹ്‌ലിക്ക് സെഞ്ച്വറി‌. മൂന്ന് വര്‍ഷത്തിനു ശേഷമാണ് കോഹ്‌ലി ടെസ്റ്റിൽ സെഞ്ച്വറി‌നേടുന്നത്. 240 പന്തില്‍ നിന്നാണ് കോഹ്ലി തന്റെ സെഞ്ച്വറി പൂര്‍ത്തിയാക്കിയത്. 5 ഫോറുകള്‍ മാത്രമെ കോഹ്ലിയുടെ ഈ സെഞ്ച്വറിയില്‍ ഉണ്ടായിരുന്നുള്ളൂ. ടെസ്റ്റിലെ 28ആം സെഞ്ച്വറി ആണിത്.ഇപ്പോള്‍ ഇന്ത്യ 462/5 എന്ന നിലയില്‍ ആണ് ഉള്ളത്. ഇന്ത്യക്ക് 44 റണ്‍സ് എടുത്ത ഭരതിന്റെ വിക്കറ്റ് നഷ്ടമായി. ആദ്യ സെഷനില്‍ 28 റണ്‍സ് എടുത്ത ജഡേജയെയും നഷ്ടമായിരുന്നു. ഇപ്പോള്‍ ഇന്ത്യ ഓസ്‌ട്രേലിയയ്‌ക്ക് 18റണ്‍സിന് പിന്നിലാണ്. വിരാട് കോഹ്ലിക്ക് ഒപ്പം അക്സര്‍ ആണ് ക്രീസില്‍ ഉള്ളത്.