വടകരയിൽ പോളിംഗ് മന്ദഗതിയിലാണ് നടക്കുന്നതെന്നും പോളിംഗ് സമയം പകുതിയോളം എത്തുമ്പോഴും വോട്ടിംഗ് ശതമാനം കുറവാണെന്നും കെ കെ രമ എംഎൽഎ. വോട്ടിംഗ് മെഷീനിൽനിന്ന് ശബ്ദം വരാൻ സമയമെടുക്കുന്നതും ആവശ്യത്തിന് ഉദ്യോഗസ്ഥർ ഇല്ലാത്തതും പോളിംഗ് മന്ദഗതിയിൽ ആകാൻ കാരണമായി പോളിംഗ് ഓഫീസർ പറയുന്നു. എന്നാൽ ആവശ്യത്തിന് ഉദ്യോഗസ്ഥരെ നിയോഗിക്കേണ്ട സർക്കാർ ഉത്തരവാദത്തമില്ലായ്മയോടെ പെരുമാറുന്നതാണ് ഇതിന് കാരണം എന്നും രമ ആരോപിച്ചു. ഓപ്പൺ വോട്ടുകൾ നിർത്തിവയ്ക്കാൻ കളക്ടർ ഉത്തരവ് നൽകുകയും ചെയ്തു. ഇതിന് പിന്നിൽ ബോധപൂർവ്വമായ ശ്രമങ്ങൾ നടക്കുന്നുണ്ടോ എന്നുപോലും സംശയിക്കുന്നുവെന്നും കെ കെ രമ പറഞ്ഞു.