ടെക് ലോകത്തെ ചൈനീസ് ഭീമനായ ഷഓമി കഴിഞ്ഞ ദിവസമാണ് ഗെയിമിങ് ആരാധകർക്കുള്ള തങ്ങളുടെ ആദ്യ ഫോൺ, റെഡ്മി K40 ഗെയിമിംഗ് എഡിഷൻ ചൈനീസ് വിപണിയിൽ അവതരിപ്പിച്ചത്. റിപോർട്ടുകൾ അനുസരിച്ച് ഗെയിമിങ് ആരാധകർക്കുള്ള ഈ ഫോൺ അധികം താമസമില്ലാതെ ഇന്ത്യയിലുമെത്തും. പക്ഷെ റെഡ്മി K40 ഗെയിമിംഗ് എഡിഷൻ ആയല്ല റീബ്രാൻഡ് ചെയ്തത് പോക്കോ F3 ജിടിയായാവും ഇന്ത്യയിൽ അവതരിപ്പിക്കുക എന്നാണ് റിപോർട്ടുകൾ.ടിപ്പ്സ്റ്റർ കാസ്പെർ സ്കർസയ്പെക് ആണ് ഇത് സംബന്ധിച്ച സൂചനകൾ നൽകുന്നത്. മോഡൽ നമ്പർ M2104K10I ആണ് പോക്കോ F3 ജിടിയായി അണിയറയിൽ തയ്യാറാവുന്നത്. ഇതേ മോഡൽ നമ്പർ ആണ് പ്രാഥമിക നിർമ്മാണഘട്ടത്തിൽ റെഡ്മി K40 ഗെയിമിംഗ് എഡിഷനും എന്ന് ടിപ്പ്സ്റ്റർ വ്യക്തമാക്കുന്നു. അതെ സമയം പോക്കോ F3 ജിടിയുടെയോ, റെഡ്മി K40 ഗെയിമിംഗ് എഡിഷന്റെയോ ഇന്ത്യൻ ലോഞ്ചിനെപ്പറ്റി ഷഓമി ഇന്ത്യ യാതൊരു സ്ഥിരീകരണവും നൽകിയിട്ടില്ല.