20 November 2023, 08:44 AM
ഓൾഗ പ്രൊഡക്ഷൻസിന്റെ ബാനറിൽ സോഹൻ സീനുലാൽ രചനയും സംവിധാനവും നിർവഹിക്കുന്ന ഡാൻസ് പാർട്ടി ഡിസംബർ 1ന് തിയേറ്ററുകളിലേക്ക് എത്തും. റെജി പ്രോത്താസിസ്, നൈസി റെജി എന്നിവർചേർന്നാണ് ചിത്രം നിർമ്മിക്കുന്നത്. കേരളത്തിലുടനീളം നൂറ്റിയമ്പതോളം കേന്ദ്രങ്ങളിലാണ് ചിത്രം റീലീസ് ചെയ്യുക. വിഷ്ണു ഉണ്ണികൃഷ്ണൻ, ശ്രീനാഥ് ഭാസി, ഷൈൻ ടോ ചാക്കോ, പ്രയാഗ മാർട്ടിൻ, ജൂഡ് ആന്റണി, ശ്രദ്ധ ഗോകുൽ, ലെന തുടങ്ങിയവർ ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. അമേരിക്കൻ സ്റ്റേജ് ഷോക്ക് പങ്കെടുക്കാനായി തയ്യാറെടുക്കുന്ന ഡാൻസ് ടീമും. അതിലേക്ക് പ്രവേശനം നേടാൻ ആഗ്രഹിക്കുന്ന അനിക്കുട്ടനും അവന്റെ കൂട്ടുകാരുടെയും കഥയാണ് ഡാൻസ് പാർട്ടി. ഒരു ഫാമിലി ഫൺ എന്റർടെയ്നർ സിനിമയാണ് ഡാൻസ് പാർട്ടി. കൊച്ചി, ബാഗ്ലൂർ എന്നിവിടങ്ങളിലായിരുന്നു ചിത്രീകരണം.
