15-6-2024
എസ് ഐയെ മരിച്ച നിലയില് കണ്ടെത്തി. വിഴിഞ്ഞം സ്റ്റേഷന് എസ്ഐ കുരുവിള ജോര്ജിനെയാണ് വീട്ടില് മരിച്ച നിലയില് കണ്ടെത്തിയത്. ആത്മഹത്യയാണെന്നാണ് സംശയം. ഇന്ന് ഉച്ചയോട് കൂടി കോട്ടയത്തെ സ്വന്തം വീട്ടിനുള്ളില് മരിച്ച നിലയില് കണ്ടെത്തുകയായിരുന്നു. ഇന്നലെ രാവിലെ സിക്ക് ലീവെടുത്ത് നാട്ടിലേക്ക് പോവുകയായിരുന്നു.
തൃശൂര് പൊലീസ് അക്കാദമിയില് ജൂണ് എട്ടാം തിയ്യതി എസ്ഐയെ മരിച്ച നിലയില് കണ്ടെത്തിയിരുന്നു. പൊലീസ് അക്കാദമിയിലെ ട്രെയിനറായ എസ്ഐ ജിമ്മി ജോര്ജാണ് മരിച്ചത്. അക്കാദമിയിലെ പഴയ ആശുപത്രി ബ്ലോക്കില് ആണ് ജിമ്മിയെ മരിച്ച നിലയില് കണ്ടെത്തുകയായിരുന്നു. കേരള പൊലീസ് ഫുട്ബോള് ടീമിലെ താരം കൂടിയാണ്.
