21-08-2024
ഗാസയില് വെടിനിര്ത്തല് പ്രഖ്യാപിക്കാനും ബന്ദികളെ വിട്ടയ്ക്കാനുമുള്ള ഏറ്റവും മികച്ചതും അവസാനത്തേതുമായ അവസരമാണ് നിലവിലുള്ളതെന്ന് അമേരിക്കന് വിദേശകാര്യ സെക്രട്ടറി ആന്റണി ബ്ലിങ്കന്. ഇസ്രയേല് പ്രസിഡന്റ് ഐസക് ഹെര്സോഗുമായുള്ള കൂടിക്കാഴ്ചയിലാണ് അമേരിക്കന് വിദേശകാര്യ സെക്രട്ടറിയുടെ പരാമര്ശമെന്നാണ് പുറത്തുവരുന്ന റിപ്പോര്ട്ടുകള് സൂചിപ്പിക്കുന്നത്. കഴിഞ്ഞ ആഴ്ചയില് ദോഹയില് നടന്ന ധാരണാ ചര്ച്ച തുടര്ന്നതില് പ്രതീക്ഷയുണ്ടെന്നാണ് അമേരിക്ക വിശദമാക്കുന്നത്. എന്നാല് ചര്ച്ചയില് പുരോഗതിയുണ്ടെന്നുള്ള വാദം മിഥ്യാധാരണയാണെന്നാണ് ഹമാസ് വൃത്തങ്ങള് അവകാശപ്പെടുന്നത്.
