27-08-2024
ജമ്മു കശ്മീര് നിയമസഭാ തിരഞ്ഞെടുപ്പിനുള്ള കോണ്ഗ്രസ് നാഷണല് കോണ്ഫറന്സ് സഖ്യം മത്സരിക്കുന്ന സീറ്റുകളില് ധാരണയായി. നാഷണല് കോണ്ഫറന്സ് 51 സീറ്റിലും കോണ്ഗ്രസ് 32 സീറ്റിലും മത്സരിക്കും. അഞ്ച് സീറ്റുകളില് ഇരുപാര്ട്ടികളും തമ്മില് സൗഹൃദമത്സരമായിരിക്കുമെന്നും കോണ്ഗ്രസ് പി.സി.സി. അധ്യക്ഷന് താരഖ് ഹമീദ് കര് അറിയിച്ചു. സി.പി.എമ്മിനും പാന്തേഴ്സ് പാര്ട്ടിക്കും ഓരോ സീറ്റുകള് വീതം നീക്കിവെച്ചു. ശ്രീനഗറില് നടന്ന ചര്ച്ചകള്ക്കുശേഷമാണ് പ്രഖ്യാപനം. 90 സീറ്റുകളിലേക്കാണ് ജമ്മുവില് തിരഞ്ഞെടുപ്പ് നടക്കുന്നത്.
