14-10-2024
മുണ്ടക്കൈചൂരല്മല ഉരുള്പൊട്ടലില് പുനരധിവാസം സംബന്ധിച്ച് പ്രതിപക്ഷവുമായി ചര്ച്ച നടത്തുമെന്ന് മുഖ്യമന്ത്രി പിണറായി വിജയന്. പ്രതിപക്ഷ നേതാവും ഉപനേതാവുമായി കഴിയുമെങ്കില് നാളെ തന്നെ ചര്ച്ച നടത്തുമെന്നും അദ്ദേഹം നിയമസഭയില് പറഞ്ഞു.
സമഗ്രവും സര്വ്വതല സ്പര്ശിയുമായ പുനരധിവാസമാണ് സര്ക്കാര് വിഭാവനം ചെയ്യുന്നത്. പുനരുദ്ധാരണ പാക്കേജും ജീവിതോപാധിയും ഉറപ്പാക്കും. ഭാവിയില് രണ്ടാം നില കൂടി പണിയാവുന്ന രീതിയില് ആയിരം സ്ക്വയര് ഫീറ്റില് ഒരുനില വീടുകളാണ് ഇപ്പോള് പണിയുന്നത്.
