25-10-2024
ജമ്മു കാശ്മീരിലെ ഗുല്മാര്ഗില് സൈനിക വാഹനത്തിന് നേരേയുണ്ടായ ഭീകരാക്രമണത്തില് അഞ്ച് സൈനികര്ക്ക് പരിക്കേറ്റു. നാട്ടുകാരനായ ഒരാള് കൊല്ലപ്പെട്ടു. ആക്രമണം നടന്ന വിവരം ബാരാമുള്ള പൊലിസ് സ്ഥിരീകരിച്ചിട്ടുണ്ട്. കൊല്ലപ്പെട്ടയാള് ചുമട്ടുതൊഴിലാളിയാണെന്നാണ് റിപ്പോര്ട്ട്. അതേസമയം മൂന്ന് ദിവസം മുന്പ് ജമ്മുകാശ്മീരിലുണ്ടായ ഭീകരാക്രമണത്തില് ഏഴുപേര് കൊല്ലപ്പെട്ടിരുന്നു. അഞ്ചുപേര് അതിഥി തൊഴിലാളികളാണ്. സോനംമാര്ഗിലെ തുരങ്ക പാത നിര്മ്മാണത്തിനായി കൊണ്ടുവന്ന തൊഴിലാളികളെയാണ് ഭീകരര് വെടിവെച്ച് കൊലപ്പെടുത്തിയത്.
