ഹിജാബ് ധരിച്ചില്ല, യൂട്യൂബിലൂടെ പാട്ടു പാടിയ ഗായികയെ ശിക്ഷിച്ച് ഇറാനിയൻ ജുഡീഷ്യറി

16-12-2024

അമ്പരിപ്പിക്കുന്ന ഒരു വാർത്തയാണ് ഇറാനിൽ നിന്നും വരുന്നത്. ഓൺലൈൻ കച്ചേരിയിൽ ഹിജാബ് ധരിക്കാതെ പാടിയതിന് ഇറാനിയൻ ഗായിക ഫറാസ്ദു അഹമ്മദിയെ ശിക്ഷിക്കുമെന്ന് രാജ്യത്തെ ജുഡീഷ്യറി അറിയിച്ചു. മിഡിൽ ഈസ്റ്റ് മേഖലയിലെ പ്രധാന രാജ്യങ്ങളിലൊന്നാണ് ഇറാൻ. ഇസ്ലാമിക രാജ്യമായി അറിയപ്പെടുന്ന ഈ രാജ്യത്ത് ഭൂരിപക്ഷവും ഷിയാ മുസ്ലീങ്ങളാണ്. ഇവിടെ സ്ത്രീകൾക്ക് കർശന നിയന്ത്രണങ്ങളാണ്‌ ഏർപ്പെടുത്തിയിരിക്കുന്നത്. ഇറാനിലെ പൊതുസ്ഥലങ്ങളിൽ ഇറങ്ങുന്ന സ്ത്രീകൾ നിർബന്ധമായും ഹിജാബ് ധരിക്കണമെന്നാണ്. ഇത് ലംഘിക്കുന്നവർക്ക് ജയിൽ ശിക്ഷ അനുഭവിക്കേണ്ടി വരും.