24-02-2025
ബിജെപി അധികാരത്തിലേറിയ ഡല്ഹിയില് ആം ആദ്മി പാര്ട്ടി (എഎപി) നേതാവും മുന് മുഖ്യമന്ത്രിയുമായ അതിഷി പ്രതിപക്ഷ നേതാവാകും. ഈ സ്ഥാനത്തേക്കു വനിതയെ തിരഞ്ഞെടുക്കുന്നത് ആദ്യമാണ്. മുഖ്യമന്ത്രിയും പ്രതിപക്ഷ നേതാവും വനിതയാകുന്നതും ഡല്ഹിയുടെ ചരിത്രത്തിലാദ്യം. ഇന്നു ചേര്ന്ന എഎപി നിയമസഭാകക്ഷി യോഗത്തില് സഞ്ജീവ് ഝായാണ് അതിഷിയെ പ്രതിപക്ഷ നേതാവായി നിര്ദേശിച്ചത്. ബാക്കിയുള്ളവര് പിന്തുണച്ചു. 'എന്നില് വിശ്വാസമര്പ്പിച്ചതിന് എഎപി ദേശീയ കണ്വീനര് അരവിന്ദ് കേജ്രിവാളിനും പാര്ട്ടിക്കും നന്ദി. ജനങ്ങളുടെ ശബ്ദം ഉയര്ത്തുന്ന ശക്തമായ പ്രതിപക്ഷമാകും.' അതിഷി പറഞ്ഞു.
