21-03-2025
ഹമാസ് ആശയങ്ങള് പ്രചരിപ്പിച്ചെന്ന് ആരോപിച്ച് ഇന്ത്യന് വംശജനായ ഗവേഷക വിദ്യാര്ഥി യുഎസില് നാടുകടത്തല് ഭീഷണിയിലെന്നു റിപ്പോര്ട്ട്. ഹമാസിനെ പിന്തുണച്ചെന്ന് ആരോപിച്ച് രഞ്ജിനി ശ്രീനിവാസന് എന്ന ഗവേഷക വിദ്യാര്ഥി സ്വയം നാടുകടന്നെന്ന വാര്ത്തകള് വന്നു ദിവസങ്ങള്ക്കുള്ളിലാണു മറ്റൊരു ഇന്ത്യക്കാരന് നാടുകടത്തല് ഭീഷണി നേരിടുന്നത്.
യുഎസിലെ ജോര്ജ്ടൗണ് സര്വകലാശാലയില് പഠിക്കുന്ന ബാദര് ഖാന് സുരി എന്ന ഗവേഷക വിദ്യാര്ഥിയാണ് നാടുകടത്തല് ഭീഷണി നേരിടുന്നത്. ഇയാളെ അജ്ഞാതര് പിടിച്ചുകൊണ്ടു പേയെന്നാണ് വാര്ത്തകള്.
