25-04-2025
അതിര്ത്തിയില് സേനാവിന്യാസം കൂട്ടിക്കൊണ്ടുള്ള പാക്കിസ്ഥാന് പ്രകോപനത്തിനു പിന്നാലെ സെന്ട്രല് സെക്ടറില് വന് വ്യോമാഭ്യാസവുമായി ഇന്ത്യ. റഫാല്, സുഖോയ്30, എംകെഐ എന്നീ യുദ്ധവിമാനങ്ങള് പങ്കെടുക്കുന്ന ആക്രമണ് എന്ന പേരിലെ വ്യോമാഭ്യാസമാണ് ഇന്ത്യ നടത്തുന്നത്. രാജ്യത്തെ രക്ഷിക്കാന് സേന സജ്ജമാണെന്നു പാക്കിസ്ഥാന് ഉച്ചയ്ക്കു പ്രതികരിച്ചിരുന്നു. പിന്നാലെ പഞ്ചാബിലെ ഫിറോസ്പുര് അതിര്ത്തിയില് നിന്ന്, നിയന്ത്രണരേഖ മുറിച്ചുകടന്നുവെന്നാരോപിച്ച് ബിഎസ്എഫ് ജവാനെ പാക്കിസ്ഥാന് കസ്റ്റഡിയില് എടുക്കുകയും ചെയ്തിരുന്നു.
