28-05-2025
പൊലീസിനോടുള്ള അഭിഭാഷകരുടെ പെരുമാറ്റത്തില് തിരുത്തല് വേണമെന്ന് പൊലീസ് ഓഫിസേഴ്സ് അസോസിയേഷന് സംസ്ഥാന സമ്മേളനത്തില് അവതരിപ്പിച്ച റിപ്പോര്ട്ടില് പരാമര്ശം. തുടര്ന്നു നടന്ന ചര്ച്ചയിലും അഭിഭാഷകരുടെ പെരുമാറ്റത്തിനെതിരെ വിമര്ശനമുയര്ന്നു.നിയമലംഘനത്തിന് അഭിഭാഷകര്ക്കെതിരെ നടപടിയെടുത്താല് പൊലീസിനെ ആക്രമിക്കുന്ന രീതിയാണ് നിലവിലുള്ളതെന്നും റിപ്പോര്ട്ടില് പറയുന്നു. കോടതിമുറ്റത്ത് പൊലീസിനെ അഭിഭാഷകര് സംഘടിതമായി കയ്യേറ്റം ചെയ്ത സംഭവവും നടപടിയെടുത്ത പൊലീസുദ്യോഗസ്ഥര് പിന്നീട് കോടതിയില് എത്തിയപ്പോള് അഭിഭാഷകരില് ചിലര് അദ്ദേഹത്തെ മര്ദ്ദിച്ച സാഹചര്യവും ഉണ്ടായെന്നും റിപ്പോര്ട്ടില് പറയുന്നു.
