14-06-2025
പൊതുസ്ഥലങ്ങളില് അനധികൃത ബോര്ഡുകള് സ്ഥാപിച്ചതുമായി ബന്ധപ്പെട്ട പരാതികളില് ഇതുവരെ സ്വീകരിച്ച നടപടികളുടെ വിശദാംശങ്ങള് അറിയിക്കാന് ഹൈക്കോടതി നിര്ദേശിച്ചു. എത്ര പരാതികള്ലഭിച്ചു, എന്തൊക്കെ നടപടിയെടുത്തു തുടങ്ങിയ കാര്യങ്ങള് കെ.സ്മാര്ട്ടില്നിന്ന് നീക്കം ചെയ്തത് അമിക്കസ്ക്യൂറി അഡ്വ. ഹരീഷ് വാസു ദേവന് ചൂണ്ടിക്കാട്ടിയപ്പോഴായിരുന്നു ജസ്റ്റിസ് ദേവന് രാമചന്ദ്രന്റെ നിര്ദേശം.ബോര്ഡുകള് നീക്കം ചെയ്യുന്നതിന്റെ ചുമതലയുള്ള തദ്ദേശ സെക്രട്ടറിമാര്ക്ക് ഉത്തരവാദിത്വങ്ങളില്നിന്ന് ഒഴിഞ്ഞുമാറാനാവില്ല. ഓരോ ബോര്ഡിനും 5000 രൂപ ഈടാക്കണമെന്ന നിര്ദേശം പാലിച്ചില്ലെങ്കില് സെക്രട്ടറിമാര് വഹിക്കേണ്ടിവരുമെന്നുംവ്യക്തമാക്കി. ഹര്ജി അടുത്ത ആഴ്ച വീണ്ടും പരിഗണിക്കും
