29-07-2025
യെമന് ജയിലില് കഴിയുന്ന നിമിഷ പ്രിയയുടെ വധശിക്ഷ റദ്ദാക്കിയതായുള്ള അവകാശവാദങ്ങള് തള്ളി കേന്ദ്ര വിദേശകാര്യ മന്ത്രാലയം.മന്ത്രാലയ വൃത്തങ്ങളെ ഉദ്ധരിച്ച് ഇന്ത്യ ടുഡെയാണ് ഇക്കാര്യം റിപ്പോര്ട്ട് ചെയ്തത്.നിമിഷ പ്രിയ കേസില് ചില വ്യക്തികള് പങ്കിടുന്ന വിവരങ്ങള് തെറ്റാണ്,' എന്ന് വിദേശകാര്യ മന്ത്രാലയ വൃത്തങ്ങള് അറിയിച്ചതായാണ് ഇന്ത്യ ടുഡെ റിപ്പോര്ട്ട് ചെയ്തിരിക്കുന്നത്.നിമിഷ പ്രിയയുടെ വധശിക്ഷ റദ്ദാക്കാന് ധാരണയായെന്ന് കഴിഞ്ഞ ദിവസമാണ് ഇന്ത്യന് ഗ്രാന്ഡ് മുഫ്തി കാന്തപുരം എ.പി. അബൂബക്കര് മുസ്ലിയാരുടെ ഓഫീസ് അറിയിച്ചത്.സനായില് നടന്ന ഉന്നത തലയോഗത്തിലാണ് നേരത്തെ താത്കാലികമായി നീട്ടിവെച്ച വധശിക്ഷയാണ് ഇപ്പോള് പൂര്ണമായി റദ്ദ് ചെയ്തതതെന്നും ഓഫീസ് അറിയിച്ചിരുന്നു.എന്നാല് യെമന് സര്ക്കാരില് നിന്ന് ഇതുവരെ ഔദ്യോഗിക രേഖാമൂലമുള്ള സ്ഥിരീകരണം ലഭിച്ചിട്ടില്ലെന്നും ഇന്ത്യന് ഗ്രാന്ഡ് മുഫ്തിയുടെ ഓഫീസ് വ്യക്തമാക്കിയിരുന്നു.ഇക്കാര്യമാണ് ഇപ്പോള് വിദേശകാര്യ മന്ത്രാലയം നിഷേധിച്ചിരിക്കുന്നത്.
