ഇതാ ബോളിവുഡ് സുന്ദരിമാരുടെ സൗന്ദര്യ രഹസ്യം

23-11-2025

ബോളിവുഡ് സുന്ദരിമാരുടെ തിളങ്ങുന്ന ചർമം കാണുമ്പോൾ കാശുള്ളവർക്കൊക്കെ എന്തും ആകാമെന്നു പറയുന്നവരോടാണ്. വിലകൂടിയ ക്രീമുകളും കെമിക്കൽ ചികിൽസകളുമൊന്നുമല്ല.ചർമത്തെ ശുദ്ധീകരിക്കുന്നതിനുള്ള ഒരു പരമ്പരാഗത ഇന്ത്യൻ മാർഗമാണ് ഉബ്താൻ. പ്രകൃതിദത്ത ചർമ സംരക്ഷണ മാർഗമെന്ന നിലയിൽ നൂറ്റാണ്ടുകളായി പലരും ഈ രീതി പിന്തുടരുന്നുണ്ട്. അഭിനേത്രിയായ പ്രിയങ്ക ചോപ്രയും ഇതിന്റെ ആരാധികയാണ്. കടലമാവ്, മഞ്ഞൾപ്പൊടി, പാൽ, ചന്ദനപ്പൊടി,തൈര് എന്നീ ചേരുവുകൾ നന്നായി യോജിപ്പിച്ചു തയാറാക്കുന്ന ഈ ഫെയ്സ്പായ്ക്കാണ് പ്രിയങ്ക ചോപ്രയ്ക്ക് ഏറെയിഷ്ടം. മൃതകോശങ്ങളെ അകറ്റാനും ചർമത്തിലെ പാടുകൾ മായ്ക്കാനും ചർമത്തിന് മൃദുത്വവും തിളക്കവും നൽകാനും ഈ മാജിക്കൽ ഫെയ്സ്പാക്കിന് കഴിയുമെന്ന് പ്രിയങ്ക അനുഭവത്തിൽ നിന്നും പറയുന്നു. കടലമാവിന് ചർമത്തെ ആഴത്തിൽ വൃത്തിയാക്കാനുള്ള ശേഷിയുണ്ട്. മഞ്ഞൾ മുഖത്തിന് സുവർണ ശോഭ നൽകുമ്പോൾ തൈര് ചർമത്തിലെ ജലാംശം നിലനിർത്തുകയും ക്ഷീണമകറ്റുകയും ചെയ്യുന്നു.