മാരാകണ്ടത്തിൽ ജോർജ് ഇട്ടൻ ഇസാഫ് ബാങ്ക് നോൺ- എക്സിക്യുട്ടീവ് ഡയറക്ടർ

27-03-2026

തൃശ്ശൂർ ആസ്ഥാനമായ ഇസാഫ് സ്മോൾ ഫിനാൻസ് ബാങ്കിന്റെ നോൺ- എക്സിക്യുട്ടീവ് ഡയറക്ടറായി മാരാകണ്ടത്തിൽ ജോർജ് ഇട്ടനെ നിയമിച്ചു. യുഎഇ, ഖത്തർ, സൗദി അറേബ്യ എന്നിവിടങ്ങളിൽ പ്രവർത്തിക്കുന്ന ഇട്ടൻ ആൻഡ് സുജി ഹോൾഡിംഗ് കമ്പനിയുടെ കീഴിലെ എസ്റ്റി ഗ്രൂപ്പ് ഓഫ് കമ്പനികളുടെ സ്ഥാപകനും സിഇഒയുമാണ് ജോർജ് ഇട്ടൻ. ആർകിടെക്ചറൽ സ്ഥാപനമായ റൈസ് പെറി എലിസ് ആൻഡ് പാർട്ണേഴ്സിൽ ടീം ലീഡറായി സേവനമനുഷ്ഠിച്ചിട്ടുണ്ട്. ബിസിനസ് മാനേജ്മെന്റ്, ലീഡർഷിപ്പ്, ബിസിനസ് വിപുലീകരണം എന്നിവയിൽ ദീർഘനാളത്തെ അനുഭവസമ്പത്ത് അദ്ദേഹത്തിനുണ്ട്. സിവിൽ എഞ്ചിനീയറായ ജോർജ് ഇട്ടന്റെ നേതൃത്വഗുണങ്ങളും പ്രൊഫഷണൽ പരിജ്ഞാനവും ബാങ്കിൻ്റെ ബിസിനസ് പ്രവർത്തനങ്ങളുടെ സുസ്ഥിര വളർച്ചയ്ക്ക് ഗുണപരമായ സംഭാവന നൽകുമെന്ന് ഇസാഫ് ബാങ്ക് അറിയിച്ചു.