23-04-2026
തോഷിബയുടെ ഫ്രണ്ട് ഫയറിങ് സ്പീക്കറുകളോട് കൂടിയ ആദ്യ മിനി എല്ഇഡി ടെലിവിഷന് നിരയായ സീ670എസ്പി സീരീസ് ഇന്ത്യയില് അവതരിപ്പിച്ചു. അത്യാധുനിക സാങ്കേതിക വിദ്യകളുടെയും തോഷിബയുടെ സ്വന്തം റെഗ്സ സാങ്കേതിക വിദ്യകളുടെയും കരുത്തിലാണ് സീ670എസ്പി സീരീസ് പ്രവര്ത്തിക്കുന്നത്.
ഇതിലെ നേറ്റീവ് 144 ഹേര്ട്സ് എക്സ്പീരിയന്സ് അതിവേഗ സ്പോര്ട്സ് മത്സരങ്ങള്, ഗെയിമിങ്, ആക്ഷന് രംഗങ്ങള് എന്നിവയ്ക്ക് അനുയോജ്യമാണ്. മികച്ച ദൃശ്യാനുഭവം നല്കുന്നതിനായി അത്യാധുനിക എഐ അധിഷ്ഠിത സംവിധാനമായ റെഗ്സ ഇന്റലിജന്സും ഇതിലുണ്ട്. മിനി എല്ഇഡി സാങ്കേതിക വിദ്യയാണ് സീ670എസ്പി സീരീസിന്റെ കരുത്ത്.
